化療第一針...第七至八日

23/9/2013
今日既我復活了hahahaha~全日既精神都幾唔錯，黃昏時段突然好想食公仔麵...求左媽咪好耐先肯俾我食半包haha~而家既我原來可以食公仔麵已經好心滿意足了。

24/9/2013
晨咁早6點就起身訂電話了，點知行動失敗...繼續大覺訓到九點幾先起身。今日有d感冒既症狀咁...打噴嚏流鼻水，不過持續左唔係好耐又冇事lu！

下午返診所抽血，呢度d姑娘手勢真係好...一d都唔痛。抽完後同媽咪落左去買番張六合彩...今晚有金多寶...買個希望都好丫。之後我地就去食下午茶，食完都夠鐘上去聽報告lu！蔡醫生話我個報告幾好...全部合格hehe~我就打蛇隨棍上問下次可唔可以打少d升白針啦，可惜...答案係no，不過可以升班都好開心了，代表我向成功邁向一步丫嘛！