化療第三日...第一支升白針

19/9/2013
今日上晝媽咪陪我去蔡醫生診所度等打升白針，好快地姑娘就教我打成支針既過程喇，唔知係咪望住佢吉入自己肚皮度...心理上會痛d架呢?!haha~呢支針要連續打4日，姑娘叫我返到屋企試下自己落唔落到手呢，事關聽日係中秋節紅日...冇人幫到我...慘！

返到屋企食完lunch就眠左一陣，等老公今晚過黎做節。唔知係咪升白針起左d副作用...輕輕摸下頸後d骨都有d痛呢!!姑娘有叫如果痛就食 panadol，不過我唔想食咁多藥...都係忍下當冇事。飯後一家人食雪糕月餅...我破戒偷食左一啖仔，真係好耐冇食過雪糕了，少少過下口癮都好過冇啦！不過食完就知味lu...深夜有少少喉嚨唔舒服添，要間唔中起身飲水舒緩下。

今日收到公司HR同事送俾我的果籃，真係好感恩佢地對我既支持，我一定要快快復原返回公司個大家庭的。