政府醫院覆診記

4/9/2013
今日約左去瑪麗醫院見腫瘤科醫生，由兩點半等到四點先到我。主診既曾醫生係一位年輕女性黎，個樣都幾似楊千嬅haha~佢睇完晒我d報告同傷口後，就同我解釋得好詳盡術後治療既野，曾醫生都係建議我打4支TC，全個療程大約六萬留下。之後再做電療及食荷爾蒙藥，穩陣d既就食十年荷爾蒙藥.......，但礙於我同老公都仲存有一點希望第時可以生小朋友，十年對我黎講實在太長了。聽到五點幾講解完畢，曾醫生幫我地約左婦產科下星期聽埋留胚胎的技術。

今日亦係我搬番MySweetHome既大喜日子hahaha~心情真係輕鬆晒，順便可以避一避風頭...無謂留o係娘家大家面阻阻啦！