化療第三針...第二至五日

30/10/2013
今日終於都拎左盒羊毛氈出黎篤了，我既性格依然改唔到...一拎上手既野就想快d搞掂佢，結果今日日以繼夜咁篤篤篤，連夜晚老公上黎食飯都冇乜點理佢haha~

食完飯...有個大學生上黎話做訪問，爸爸應承左佢接受訪問...我就當然匿番入房啦，點知佢地一傾傾左兩粒鐘都唔願走...真係難為左我想去toilet都唔得 ><"

31/10/2013
今日開始又要打一連三日既升白針，去到診所d人都認得我了，姑娘話我好叻...好堅強haha~其實馬死落地行...發生左既事就要面對架啦！

1/11/2013
我隻史納莎羊毛氈終於完成了，但係俾老公&媽咪話佢似倉鼠囉......!!

2/11/2013
今日打完升白針後，同媽咪行下維園...兩條友無無聊咁行左個幾鐘之後就買lunch返屋企食，之後成個下晝都係廢人一個咁坐下食下又一日。