化療第二針...第十八至十九日

25/10/2013
今日既體力好明顯下降，出去買完餸返屋企時行一陣就又累又冇氣了。返到屋企成個下晝就攤左喺梳化睇住個巿...學下家姐做c9股神，哈哈。

26/10/2013
今早十點約左返蔡醫生度抽血+覆診，今日個抽血姐姐手勢好麻麻...痛之餘仲搞到我流血 ><" 之後同老公去左食我好耐冇食過既麥記早餐，再等見蔡醫生...又要等到十二點鬆啲先到我。醫生話我今次個報告啲指數好靚，我第三針可以如期打啦！

走人返過娘家果邊接埋媽咪同工人姐姐過去MySweetHome度叫姐姐幫我大掃除，而我同老公就出去睇左套爛尾片"彊屍"，返到屋企姐姐都已經好自動波幫我搞掂晒了...仲煮緊飯添！今晚要爸爸媽咪咁遠水路黎食飯真係辛苦晒了。