手術後第一次覆診

19/8/2013
終於等到覆診既日子喇，唔知之後要做d咩術後治療呢、唔知我個傷口埋成點呢...

本身約左4點見醫生，好彩打一打去診所問姑娘...叫我5點幾先好去，點知去到...哇~診所坐滿人，仲要而家先睇緊3點症...oh~有排等，粹之等到7 點幾先到我。張醫生話我個傷口埋得幾理想，可以開始做下運動啦！之後就叫埋老公同家姐一齊聽報告，醫生話我可以做一個叫腫瘤基因測試(oncotype dx)既野，send我d組織去美國測21種基因，睇下復發率高唔高，若果指數低的話就可以唔駛做化療，但要花費三萬幾蚊...又係錢錢錢!!!但如果唔做呢個test，醫生就見議我打8支化療針(AC x 4+TC x 4)+電療+食5年荷爾蒙藥。最終家姐話有機會唔駛化療的話緊係做埋個test先啦，因為化療針又未必對我d細胞起到作用，當買個希望，不過又要等兩個星期先有報告了。